'मेक इन महाराष्ट्र'ला येणार गती

या भूमिकेची अंमलबजावणी करताना प्रत्येक जिल्ह्यात यापुढे दरवर्षी "विश्‍वकर्मा जयंती‘ या दिवशी "उद्योग दिवस‘ साजरा करण्यात येईल. या दिवशी सूक्ष्म, लघू व मध्यम उद्योजकांसाठी एकाच ठिकाणी उत्पादनाचे प्रदर्शन भरविणे, उत्पादनांची विक्री करणे, त्याचबरोबर जिल्हा उद्योग केंद्रामार्फत कार्यशाळा व चर्चासत्रे आयोजित केली जातील. उदयोन्मुख उद्योजकांना दिले जाणारे पुरस्कारही याच दिवशी देण्यात येणार आहेत. या दिवसाच्या कार्यक्रमासाठी जिल्हाधिकारी यांच्यामार्फत जिल्हास्तरावर एक उपसमिती स्थापन करण्यात येणार आहे. या दिवसाच्या उद्योगविषयक विविध उपक्रमांचे आयोजन ही समिती करेल.