शासकीय गोदामातून धान्य गायब

याबाबत जिल्हा पुरवठा अधिकारी ज्ञानेश्‍वर जवजाळ यांनी दिलेल्या फिर्यादीत म्हटले आहे की, वरील तीन महिन्यांच्या कालावधीत रमेश दौलत भोये (गोदामपाल, सुरगाणा), मेसर्स एस. एन. मंत्री यातील भागीदार मोरारजी भिकुलाल मंत्री, सुषमा मोरारजी मंत्री, संजय रामकृष्ण गडाख, श्रीराम नारायणदार मंत्री, वाय. एस. मंडलिक (वाहतूक प्रतिनिधी, नाशिक रोड- अंबड गोडाउन), हरिचंद्र गुलाब धुम (पुरवठा निरीक्षक, सुरगाणा) यांनी संगनमताने शासकीय वितरण व्यवस्थेतील रेशनिंगचा गहू-215557 क्विंटल 39 किलो, याची अनुदानित किंमत 65,81,835, तांदूळ- 9051 क्विंटल 77 किलो यांची अनुदानित किंमत 2972729, साखर- 73 क्विंटल याची अनुदानित किंमत 2,1900..... अशी एकूण अनुदानित किंमत 9576464 रुपये किमतीच्या शासकीय मालाचा कागदोपत्री साठा दाखवून प्रत्यक्ष साठा न ठेवता सदर माल परस्पर विक्री करून सुरगाणा येथे आणण्याचे दाखवून शासनाची फसवणूक केल्याप्रकरणी गुन्हा दाखल करण्यात आला आहे.